Udha e kryqit me të rinjtë e dioqezes së Lezhës.

Me datë 23 Mars, është zhvilluar udha e kryqit me të gjithë të rinjtë e dioqezës së Lezhës, që tashmë është kthyer në traditë që para dy vitesh.

Nisja u bë në orën 10:00 nga Kisha e “Zemrës së Krishtit” në Kallmet, për të përfunduar tek shenjtërorja “Shën Eufëmia”, e cila ndodhet në mal 3 km larg qendrës së fshatit. Të pranishëm ishin afërsisht 1000 të rinj. Gjatë udhës së kryqit të rinjtë u lutën me shumë devocion, dhe kryqi është mbartur nga famulli të ndryshme.

Kur arritëm morëm bekimin dhe dëgjuam ca fjalë nga don Lorenco. Pastaj sipas famullive u futën me radhë brenda shenjtërores për të marrë ujë të bekuar. Ajo çka vumë re ishte se shumë të rinj po e vizitonin për herë të parë.

Pasi u larguan të gjithë, ne animatorët e famullisë sonë qëndruam edhe pak për të festuar që me ndihmën e Zotit gjithçka shkoi mirë, dhe do të mbeteshim në mendjet e të rinjve për mikpritjen që u kemi krijuar, duke shpresuar që kjo traditë të vazhdojë edhe për shumë vite të tjera.